ສະຖາບັນກິລາ-ກາຍຍະກຳ ● Institution of Sports

ໂຮງຮຽນພອນສະຫວັນກິລາ-ກາຍຍະກຳ


/
ກ່ຽວກັບສະຖາບັນ
/
ພາກສ່ວນກ່ຽວຂ້ອງ
/
ໂຮງຮຽນພອນສະຫວັນກິລາ-ກາຍຍະກຳ

ໂຮງຮຽນພອນສະຫວັນກິລາ-ກາຍຍະກຳ ມີໜ້າທີ່ ແລະ ພາລະບົດບາດດັ່ງນີ້:

ເປັນເສນາທິການໃຫ້ແກ່ຄະນະອຳນວຍການສະຖາບັນໃນການຄົ້ນຄວ້າ, ວາງແຜນພັດທະນາໂຮງຮຽນພອນສະຫັວນກິລາ-ກາຍຍະກຳ;
ສ້າງ ແລະ ປັບປຸງນິຕິກຳກ່ຽວກັບການຄຸ້ມຄອງວຽກງານໂຮງຮຽນພອນສະຫັວນກິລາ-ກາຍຍະກຳ;
ຈັດຕັ້ງປະຕິບັດແນວທາງນະໂຍບາຍຂອງພັກ ແລະ ແຜນພັດທະນາເສດຖະກິດ-ສັງຄົມແຫ່ງຊາດ;
ສຶກສາອົບຮົມແນວຄິດການເມືອງ ໃຫ້ລັດຖະກອນຄູ ແລະ ນັກຮຽນ ມີຄຸນສົມບັດສິນທຳປະຕິວັດ, ມີນໍ້າໃຈຮັກຊາດຮັກລະບອບປະຊາທິປະໄຕປະຊາຊົນ ເພື່ອຕອບສະໜອງຄວາມຮຽກຮ້ອງຕ້ອງການ ຂອງພາລະກິດປົກປັກຮັກສາ ແລະ ສ້າງສາປະເທດຊາດ;
ວາງແຜນພັດທະນາ, ຄົ້ນຄວ້າ ວິໄຈ ບັນຫາພົວພັນເຖິງການຄຸ້ມຄອງໂຮງຮຽນ, ພັດທະນາກິລາ-ກາຍຍະກຳ ໃຫ້ມີປະສິດທິພາບ ແລະ ປະສິດທິຜົນ;
ສ້າງ, ປັບປຸງ ແລະ ພັດທະນາຫຼັກສູດ, ປື້ມຕຳລາການຮຽນ-ການສອນ ແລະ ປື້ມຄູ່ມືຄູ ຕາມຫຼັກສູດຂອງໂຮງຮຽນ ພ້ອມທັງຂໍອະນຸມັດຈັດພີມ;
ຈັດການຮຽນ-ການສອນຕາມຫຼັກສູດ ທີ່ກະຊວງສຶກສາທິການ ແລະ ກິລາ ວາງອອກ ແລະ ພັດທະນາຫຼັກສູດກິລາ-ກາຍຍະກຳ ເພື່ອຮັບໃຊ້ການກໍ່ສ້າງ ແລະ ພັດທະນານັກກິລາພອນສະຫັວນ ໃຫ້ກາຍເປັນນັກກິລາອາຊີບ;
ວາງແຜນຮັບນັກຮຽນ, ຈັດຕັ້ງສອບເສັງເອົານັກຮຽນເຂົ້າຮຽນ, ສອບເສັງເລື່ອນຊັ້ນ ຕາມລະບຽບຫຼັກການ ທີ່ກະຊວງສຶກສາທິການ ແລະ ກິລາ ໄດ້ກໍານົດໄວ້;
ສົ່ງເສີມດ້ານວິຊາການ, ຈັດຕັ້ງກິດຈະກຳ, ເຄື່ອນໄຫວວຽກງານກິລາ-ກາຍຍະກຳ ທັງພາຍໃນ ແລະ ຕ່າງປະເທດ;
ປະຕິບັດນະໂຍບາຍ ແລະ ສະຫັວດດີການ, ຍ້ອງຍໍ ເພື່ອສ້າງກຳລັງໃຈໃຫ້ແກ່ຄູ ແລະ ນັກຮຽນ ຕາມລະບຽບການ;
ປົກປັກ ແລະ ບຳລຸງຮັກສາອຸປະກອນ, ສື່ການຮຽນ-ການສອນ, ເຄື່ອງທົດລອງ ແລະ ເຄື່ອງຮັບໃຊ້ຕ່າງໆພາຍໃນໂຮງຮຽນ;
ອອກໃບຢັ້ງຢືນ ແລະ ປື້ມຕິດຕາມການຮຽນໃຫ້ແກ່ນັກຮຽນ ພ້ອມທັງອອກເອກະສານທາງການຕ່າງໆ ໃຫ້ແກ່ພະນັກງານ, ຄູ ແລະ ນັກຮຽນພາຍໃນໂຮງຮຽນ;
ສະຫຼຸບ ແລະ ລາຍງານການຈັດຕັ້ງປະຕິບັດບັນດາກິດຈະກຳຕ່າງໆພາຍໃນໂຮງຮຽນ;
ກວດກາ, ຕິດຕາມ ແລະ ປະເມີນຜົນການຈັດຕັ້ງປະຕິບັດວຽກງານພາຍໃນໂຮງຮຽນ;
ປະຕິບັດໜ້າທີ່ອື່ນໆ ຕາມການມອບໝາຍຂອງຜູ້ອຳນວຍການສະຖາບັນ.