ສາຂາວິທະຍາສາດການກິລາ ແລະ ການອອກກຳລັງກາຍ

ນັກວິທະຍາສາດການອອກກຳລັງກາຍ ແລະ ກິລາ ເປັນມືອາຊີບ ມີຈັນຍາບັນ ທີ່ຍອມຮັບຂອງສັງຄົມ, ສາມາດເຊື່ອມໂຍງກັບອານຸພາກພື້ນ ພາກພື້ນ ແລະ ສາກົນ.

• ຜະລິດບຸກຄະລາກອນ ແລະ ນັກກິລາ ໃຫ້ໄດ້ມາດຕະຖານສາກົນ ແລະ ກາຍເປັນມືອາຊີບ.

• ສ້າງ ແລະ ພັດທະນາຄວາມຮູ້, ຄວາມສາມາດດ້ານວິທະຍາສາດ ແລະ ເຕັກໂນໂລຊີການກິລາ ທີ່ທັນສະໄໝ, ຮູ້ນໍາໃຊ້ເຂົ້າສູ່ພາກປະຕິບັດຕົວຈິງໄດ້.

• ສາມາດໃຫ້ບໍລິການດ້ານວິຊາການອອກກໍາລັງກາຍ ແລະ ກິລາ ໃນສະຖານທີ່ຮັບໃຊ້ສັງຄົມ.

• ພື່ອເປັນການກໍ່ສ້າງ ພັດທະນາບຸກຄະລາກອນກິລາ ແລະ ນັກກິລາ ໃຫ້ໄດ້ມາດຕະຖານດີຂຶ້ນ ກ້າວໄປສູ່ລະດັບສາກົນ ແລະ ກາຍເປັນມືອາຊີບ, ຮັບໃຊ້ສັງຄົມ ແລະ ຮັບໃຊ້ຊາດ.

• ເພື່ອເປັນການຄົ້ນຄວ້າ, ວິໄຈດ້ານວິທະຍາສາດ ແລະ ເຕັກໂນໂລຊີການອອກຳລັງກາຍ ແລະ ກິລາ ທີ່ທັນສະໄໝ.

• ເພື່ອສ້າງໂອກາດໃຫ້ບຸກຄະລາກອນກິລາ ແລະ ນັກກິລາ ໄດ້ປະກອບອາຊີບດ້ານການອອກກໍາລັງກາຍ ແລະ ກິລາ, ມີລາຍຮັບທີ່ເໝາະສົມ ແລະ ຢືນຍົງໃນຕໍ່ໜ້າ.

ບຸກຄະລາກອນກິລາ ແລະ ນັກກິລາ ທີ່ອອກຮັບໃຊ້ຊາດ ແລະ ສາກົນ ເຊິ່ງປະກອບມີ

• ນັກວິທະຍາສາດການກິລາ.

• ຄູຝຶກດ້ານການພັດທະນາສະມັດຕະພາບຮ່າງກາຍ (ຄູສອນຟິດເນັດ).

• ຜູ້ໃຫ້ຄໍາແນະນໍາການອອກກຳລັງກາຍ ແລະ ກິລາໃນສະຖານອອກກຳລັງກາຍຕ່າງໆ.

• ບຸກຄະລາກອນທີ່ມີຄວາມສາມາດເຊື່ອມໂຍງ ແລະ ກ້າວໄປເຖິງການເປັນຜູ້ແທນຂອງຊາດ ປະຕິບັດໜ້າທີ່ຢູ່ອົງການຈັດຕັ້ງກິລາສາກົນ

• ອົງການຈັດຕັ້ງລັດຖະບານ: ປະຕິບັດໜ້າທີ່ຢູ່ບັນດາກະຊວງ, ບັນດາແຂວງ, ນະຄອນຫຼວງ ແລະ ສະຖານການສຶກສາ.

• ອົງການຈັດຕັ້ງສັງຄົມ: ສະຫະພັນກິລາແຫ່ງຊາດ, ສະມາຄົມກິລາແຂວງ/ນະຄອນຫຼວງ, ສະຫະພັນກິລາແຂວງ/ນະຄອນຫຼວງ ແລະ ສະໂມສອນກິລາ.

• ພາກສ່ວນທຸລະກິດກິລາເອກະຊົນ: ວິສາຫະກິດທີ່ດໍາເນີນກິດຈະການກ່ຽວກັບການກິລາ-ກາຍຍະກຳ, ສະໂມສອນກິລາ ແລະ ສະຖານທີ່ໃຫ້ບໍລິການກິລາເພື່ອສຸຂະພາບ.

• ອົງການຈັດຕັ້ງສາກົນ: ປະຕິບັດໜ້າທີ່ໃນອົງການຈັດຕັ້ງສາກົນ ເຊັ່ນ: ເປັນຄະນະບໍລິຫານ ຫຼື ເປັນຄູຝຶກສອນທັກສະ ແລະ ສະມັດຕະພາບຮ່າງກາຍ (Physical Fitness) ກິລາຢູ່ຕ່າງປະເທດ.