ສະຖາບັນກິລາ-ກາຍຍະກຳ ● Institution of Sports

ພະແນກບໍລິຫານ ແລະ ຈັດຕັ້ງພະນັກງານ


/
ກ່ຽວກັບສະຖາບັນ
/
ຫ້ອງການ
/
ພະແນກບໍລິຫານ ແລະ ຈັດຕັ້ງພະນັກງານ

ໜ້າທີ່ ແລະ ພາລະບົດບາດຂອງ ພະແນກບໍລິຫານ ແລະ ຈັດຕັ້ງພະນັກງານ ມີດັ່ງນີ້:

ເປັນເສນາທິການໃຫ້ແກ່ສະຖາບັນໃນການບໍລິຫານ-ຄຸ້ມຄອງວຽກງານບໍລິຫານ ແລະ ຈັດຕັ້ງພະນັກງານ;
ຄົ້ນຄວ້າ, ວາງແຜນການພັດທະນາຂອງສະຖາບັນ, ສະຫຼຸບສັງລວມ ແລະ ເຜີຍແຜ່ການເຄື່ອນໄຫວວຽກງານໃນແຕ່ລະໄລຍະ;
ສ້າງແຜນ ງົບປະມານ, ການລົງທຶນ, ການບໍລິຫານຂອງສະຖາບັນ ພ້ອມທັງສະຫຼຸບລາຍງານການປະຕິບັດແຜນໃນແຕ່ລະໄລຍະ;
ຄົ້ນຄວ້າ, ສ້າງ ແລະ ປັບປຸງບັນດານິຕິກຳ ແລະ ເຜີຍແຜ່ລະບຽບການຕ່າງໆ ກ່ຽວກັບວຽກງານ ບໍລິຫານ-ຄຸ້ມຄອງຂອງສະຖາບັນ;
ຄຸ້ມຄອງວຽກງານສາລະບັນ, ເລຂານຸການ, ຮັບແຂກ ແລະ ພິທີການອື່ນໆ;
ຄຸ້ມຄອງບັນຊີ-ການເງິນ, ຄັງເງິນສົດຈາກງົບປະມານລັດ ແລະ ງົບປະມານວິຊາການ ຕາມລະບຽບການ;
ຄຸ້ມຄອງ, ບູລະນະສ້ອມແປງ ແລະ ປົກປັກຮັກສາພື້ນຖານໂຄງລ່າງ, ຊັບສິນ, ພາຫະນະ, ລະບົບສາງ, ບັນຊີວັດສະດຸ, ອຸປະກອນ, ເຄື່ອງຈັກ, ຫໍພັກ ແລະ ຫ້ອງອາຫານຂອງສະຖາບັນ;
ສ້າງແຜນຄວາມຕ້ອງການລັດຖະກອນໃໝ່, ຈັດຕັ້ງການຄັດເລືອກພະນັກງານບັນຈຸເປັນລັດຖະກອນ ແລະ ປະເມີນລັດຖະກອນຝຶກງານເປັນລັດຖະກອນສົມບູນ;
ຈັດຕັ້ງການປະເມີນ ແລະ ນຳສະເໜີການເລື່ອນຊັ້ນ-ເລື່ອນຂັ້ນ ຂອງພະນັກງານ-ລັດຖະກອນ;
ສະເໜີແຕ່ງຕັ້ງ, ປົດຕຳແໜ່ງ, ສັບຊ້ອນ ຫຼື ຍົກຍ້າຍ, ຮັບບຳເນັດ-ບຳນານ, ຍ້ອງຍໍ ຫຼື ປະຕິບັດວິໄນ ພະນັກງານ, ວິຊາການ ແລະ ລັດຖະກອນຄູ ຂອງສະຖາບັນ;
ດຳເນີນການປະເມີນຜົນວຽກງານຄຸ້ມຄອງ-ບໍລິຫານ ແລະ ຈັດຕັ້ງພະນັກງານ ຢ່າງເປັນປົກກະຕິ;
ພົວພັນປະສານງານການຮ່ວມມືກັບບັນດາອົງການຈັດຕັ້ງພາກລັດ, ເອກະຊົນ, ອົງການຈັດຕັ້ງສັງຄົມ, ອົງການຈັດຕັ້ງສາກົນ ພາຍໃນ ແລະ ຕ່າງປະເທດ;
ສະຫຼຸບ ແລະ ລາຍງານການຈັດຕັ້ງປະຕິບັດບັນດາກິດຈະກຳຕ່າງໆ ໃຫ້ສະຖາບັນ;
ປະຕິບັດໜ້າທີ່ອື່ນໆ ຕາມການມອບໝາຍຂອງຜູ້ອຳນວຍການ.