ສະຖາບັນກິລາ-ກາຍຍະກຳ ● Institution of Sports

ພະແນກພັດທະນາຫຼັກສູດ ແລະ ສື່ການຮຽນ-ການສອນ


/
ກ່ຽວກັບສະຖາບັນ
/
ຫ້ອງການ
/
ພະແນກພັດທະນາຫຼັກສູດ ແລະ ສື່ການຮຽນ-ການສອນ

ພະແນກພັດທະນາຫຼັກສູດ ແລະ ສື່ການຮຽນ-ການສອນ ມີໜ້າທີ່ ແລະ ພາລະບົດບາດດັ່ງນີ້:

ເປັນເສນາທິການໃຫ້ແກ່ຄະນະອຳນວຍການໃນການບໍລິຫານ-ຄຸ້ມຄອງ ຫຼັກສູດ ແລະ ສື່ການຮຽນ-ການສອນ;
ຄົ້ນຄວ້າ, ວາງແຜນພັດທະນາຍົກລະດັບບຸກຄະກອນກິລາ-ກາຍຍະກຳ ຮັບໃຊ້ສັງຄົມ ແລະ ສາກົນ;
ສ້າງ, ປັບປຸງ ແລະ ພັດທະນາຫຼັກສູດ, ສື່ການຮຽນ-ການສອນ ແລະ ການຮຽນຮູ້ຕະຫຼອດຊີວິດ ໃຫ້ແທດເໝາະກັບປັດຈຸບັນ ແລະ ສອດຄ່ອງກັບສະຫະພັນກິລາແຫ່ງຊາດ;
ປະສານສົມທົບ ແລະ ໃຫ້ການຮ່ວມມືກັບອົງການຈັດຕັ້ງທັງພາຍໃນ ແລະ ພາຍນອກທີ່ກ່ຽວຂ້ອງໃນການປະເມີນ ແລະ ຮັບຮອງຫຼັກສູດການຮຽນ-ການສອນ;
ສົມທົບກັບກົມກິລາລະດັບສູງ, ສະຫະພັນກິລາແຫ່ງຊາດ ແລະ ພາກສ່ວນທີ່ກ່ຽວຂ້ອງ ສ້າງຫຼັກສູດກໍ່ສ້າງ ແລະ ຄູ່ມືການຝຶກອົບຮົມບຸກຄະລາກອນກິລາ-ກາຍຍະກຳ;
ຜະລິດ ແລະ ເຜີຍແຜ່ຫຼັກສູດ ແລະ ສື່ການຮຽນການສອນທີ່ຖືກຮັບຮອງແລ້ວ;
ສ້າງແບບຟອມຕ່າງໆ ທີ່ກ່ຽວຂ້ອງກັບຫຼັກສູດການຮຽນ-ການສອນ;
ຄຸ້ມຄອງ ແລະ ຈັດຕັ້ງປະຕິບັດຫຼັກສູດ ແລະ ສື່ການຮຽນການສອນໃຫ້ສອດຄ່ອງ ແລະ ແທດເໝາະກັບຫຼັກສູດທີ່ຖືກຮັບຮອງ;
ຝຶກອົບຮົມນັກວິຊາການດ້ານການພັດທະນາຫຼັກສູດ ແລະ ສື່ການຮຽນ-ການສອນ;
ຝຶກອົບຮົມບຸກຄະລາກອນກິລາ-ກາຍຍະກຳ ໃນການນຳໃຊ້ຫຼັກສູດ ແລະ ສື່ການຮຽນ-ການສອນ;
ສ້າງ ແລະ ພັດທະນາ ເວັບໄຊ ຂອງສະຖາບັນ ເພື່ອເຜີຍແຜ່ຂໍ້ມູນຂ່າວສານ ແລະ ວາລະສານ ກິລາ-ກາຍຍະກຳ;
ສະຫຼຸບ ແລະ ລາຍງານການຈັດຕັ້ງປະຕິບັດບັນດາກິດຈະກຳຕ່າງໆ ໃຫ້ສະຖາບັນ;
ປະຕິບັດໜ້າທີ່ອື່ນໆ ຕາມການມອບໝາຍຂອງຜູ້ອຳນວຍການສະຖາບັນ.