ສະຖາບັນກິລາ-ກາຍຍະກຳ ● Institution of Sports

ພະແນກວິຊາການ ແລະ ກິດຈະການນັກຮຽນ-ນັກສຶກສາ


/
ກ່ຽວກັບສະຖາບັນ
/
ຫ້ອງການ
/
ພະແນກວິຊາການ ແລະ ກິດຈະການນັກຮຽນ-ນັກສຶກສາ

ພະແນກວິຊາການ ແລະ ກິດຈະການນັກຮຽນ-ນັກສຶກສາ ມີໜ້າທີ່ ແລະ ພາລະບົດບາດ ດັ່ງນີ້

ເປັນເສນາທິການໃຫ້ຄະນະອຳນວຍການສະຖາບັນໃນການບໍລິຫານ-ຄຸ້ມຄອງວິຊາການ ແລະ ກິດຈະ ການນັກຮຽນ-ນັກສຶກສາ;
ສ້າງແຜນເຄື່ອນໄຫວວຽກງານວິຊາການ ແລະ ກິດຈະການນັກຮຽນ-ນັກສຶກສາ ປະຈຳແຕ່ລະພາກຮຽນ;
ສ້າງ ແລະ ປັບປຸງນິຕິກຳກ່ຽວກັບການບໍລິຫານ-ຄຸ້ມຄອງ ວິຊາການ, ການກໍ່ສ້າງ, ການຝຶກອົບຮົມຍົກລະດັບ ນັກກິລາ, ນັກວິຊາການ ແລະ ບຸກຄະລາກອນການກິລາ;
ສັບຊ້ອນຕາຕະລາງການຮຽນ-ການສອນ ແລະ ຈັດຕັ້ງການສອບເສັງຂອງນັກຮຽນ-ນັກສຶກສາ;
ຕິດຕາມ, ກວດກາ ຂະບວນການຮຽນ-ການສອນຂອງພາກວິຊາ, ບັນດາສູນ ແລະ ໂຮງຮຽນ;
ຄົ້ນຄວ້າ ແລະ ນຳສະເໜີຕຳແໜ່ງວິຊາການ ຂອງລັດຖະກອນຄູ ແລະ ພະນັກງານ-ລັດຖະກອນ;
ປະສານສົມທົບກັບພາກວິຊາ ຄິດໄລ່ຊົ່ວໂມງສອນຂອງລັດຖະກອນຄູ ໃສ່ຂະບວນການຮຽນ-ການສອນ;
ຂຶ້ນທະບຽນ, ເຮັດບັດ ນັກຮຽນ-ນັກສຶກສາ, ຈັດພິມປະກາສະນີຍະບັດ, ເອກະສານທາງການສຶກສາສໍາລັບນັກຮຽນ-ນັກສຶກສາ ແລະ ຜະລິດສື່ທາງວິຊາການ;
ຄຸ້ມຄອງຫ້ອງສະໝຸດ, ກິດຈະກຳ, ການເຄື່ອນໄຫວພາຍໃນ, ພາຍນອກຫຼັກສູດ ແລະ ການລົງຝຶກງານຂອງນັກສຶກສາ;
ສ້າງເກນມາດຕະຖານ, ແຜນບຳລຸງຍົກລະດັບ, ຄັດເລືອກບຸກຄະລາກອນກິລາ-ກາຍຍະກຳ, ພະນັກງານ-ລັດຖະກອນ ແລະ ຄູ ໄປຮຽນຕໍ່ ແລະ ຍົກລະດັບຢູ່ພາຍໃນ ແລະ ຕ່າງປະເທດ;
ບໍລິການດ້ານວິຊາການກິລາ-ກາຍຍະກຳໃຫ້ແກ່ອົງການຈັດຕັ້ງ ລັດ, ເອກະຊົນ ແລະ ສັງຄົມ;
ສະຫຼຸບ ແລະ ລາຍງານການຈັດຕັ້ງປະຕິບັດບັນດາກິດຈະກຳຕ່າງໆ ໃຫ້ສະຖາບັນ;
ປະຕິບັດໜ້າທີ່ອື່ນໆ ຕາມການມອບໝາຍ ຂອງຜູ້ອຳນວຍການສະຖາບັນ.